«Қарттарым – кемел даналарым» атты мерекелік концерт

Мектебімізде қарттар күнін атап өту жыл сайынғы дәстүрге айналған. Қарттар күнін мерекелеу аясында, 29 қыркүйекте Қаракемер орта мектебінің АКТ залында «Қарттарым – кемел даналарым» атты мерекелік концерт ұйымдастырылды.

Қарттар күнін атап өтудегі басты мақсат – біз қарттарымызға құрмет көрсетіп, құттықтаумен бірге, ардагерлерімізге жан-жақты қолдау мен ыстық ықыласқа толы алғыс сезімін білдіреміз, яғни олар өздеріне деген шынайы қамқорлықты сезінуі қажет.

Іс-шара барысында, мектеп директоры Қабаев Е.Ә қарттарымызға ұзақ ғұмыр және сарқылмас қуат тілеп, құттықтау сөз сөйледі. Артынша  Алтынарық ауылының жетекші маманы Хайдаров А.Қ  ақжарма тілегін арнап, ауыл қарияларына  Алғыс хат пен гүл шоқтарын табыстады, сондай-ақ мектеп ұжымының атынан сыйлықтар берілді  Аға буынға арналған концерттік бағдарламада мектебіміздің көркемөнерпаздары  керемет музыкалық композициялармен өнер көрсетті. Ауылымыздың қариялары жылы лебіздерін білдіріп, ақ баталарын берді. #қарттаркүні