01
сентябрь
2023
Білім күні
2023-2024 оқу жылының басталуына орай «Қаракемер орта мектебі, мектепке дейінгі шағын орталығымен» КММ-інде «Мектебім – мейірім мекені» тақырыбында алғашқы қоңырау мерекелік салтанатты жиыны өтті. Алғашқы қоңырау мерекесі 1-сынып бүлдіршіндерін салтанатты түрде ортаға шақырумен басталды. Мерекелік іс шараны мектеп директорының лауазымдық міндетін уақытша атқарушы Н.С.Сейтпеткалов мектеп табалдырығын аттап отырған бүлдіршіндерді, оқушылар мен ата-аналарды жаңа оқу жылының басталуымен шын жүректен құттықтап, қазіргі таңда жас ұрпаққа сапалы білім, саналы тәрбие беру - ұстаздар алдындағы үлкен міндет екенін атап көрсете отырып, биылғы оқу жылының ерекшелігімен таныстырды. 1- қыркүйек -Білім күні мерекесімен оқушылар мен мектеп ұжымын құттықтап, ардагер ұстаздар мен Алтынарық ауылының жетекші маманы Хайдаров Аслан Қайратұлы сөз сөйледі. Қоңыраудан соң барлық сынып оқушылары өз оқу кабинеттерімен танысып, «Мектебім – мейірім мекені» тақырыбында алғашқы білім күні сабағына қатысты.