АУҒАН СОҒЫСЫ АРДАГЕРЛЕРІМЕН КЕЗДЕСУ

Қаракемер орта мектебінде 2025 жылдың 11 ақпан күні Кеңес әскерлерінің Ауғанстан жерінен шығарылған күніне орай  «Ауғанның асуында от кешкендер» атты ауған соғысы ардагерлерімен кездесу кеші өтті.

Кештің мақсаты: ауған соғысы ардагерлеріне құрмет көрсету, жат жерде көз жұмған жерлес азаматтарымызды еске алу, жастарға патриоттық тәрбие беру.

Кездесуге  өмірінің өлшеулі бір бөлігін, жалындаған жастық шағының жартысын  оқ пен от арасында өткізіп, елге аман-сау оралып, туған жерімен қауышқан интернационалист-жауынгерлер  Құсайынов Серік Шоранұлы, Каримов Нартай Жармуханбетұлы және  Есимов Орынхан ағаларымыз қатысты.

Ауған соғысының ардагерлері Ауғанстандағы әскери қызметтері туралы естеліктермен бөлісті.  Кездесу барысында оқушылардың орындауларында   патриоттық әндер, өлең шумақтары шырқалды.