08
декабрь
2023
«Өрт сөндіруші маман — құтқарушы маман!» атты кездесу өтті.
Ғаламдағы ең қауіпті мамандықтардың бірі – өрт сөндіруші қызметі. Нағыз ер азаматтарға тән мамандық жүректілік пен батылдықты талап етеді. Күнде өлім мен өмірдің арасында арпалысып жүрген батырлардың құрал-саймандары сақадай сай, дайындықтары жоғары болуы керек. Себебі, бұл іс сәл мүлт кетуді кешірмеуі мүмкін.
2023 жылдың 7 желтоқсан күні аудандық өрт сөндіру бөлімінің арнайы мамандарымен 9-11сынып оқушыларына арналған «Өрт сөндіруші маман — құтқарушы маман!» атты кездесу өтті. Кездесу барысында Ақсу аудандық өрт сөндіру бөлімінің мамандары қызметтері жайлы баяндап, арнайы құрал-жабдықтарымен таныстырды. Сонымен қатар оқушылар өрт сөндірушінің қорғаныш киімін киіп, мамандардың бір сәттік жұмыс күйін кешті. #өртқауіпсіздігі