"ҰСТАЗЫМ МЕНІҢ, ҰСТАЗЫМ" челленджі

«Қаракемер орта мектебі, МДШО»КММ директорының орынбасары Дина Абилмажинова

Ұстаз деген ұғым бар, мына дүниеде. Ілмейтінді ілдіретін, білмейтінді білдіретін. Санаға ақыл ұялататын, арманды алдан қиялататын. Өмірді ұғынуыңа себеп болатын, тірлікке кіруіңе көмек болатын. Әр кезде аялайтын, дәрісті аямайтын. Бықсытпайтын, жандыратын. Тұлғалық табиғатын мәңгілік қалдыратын. Мереке қарсаңында ұғымы ұшар биікпен пара-пар, алғашқы ұстазым Шабдарбаева Райхан апайым туралы айтқым келеді. Орны жұмақтың төрінен болсын, марқұм апайымның бала жанына сепкен жылуы, берген бағыты – бүгінгі күнімнің шамшырағы іспеттес.

Ұстаз… Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегінде қадір тұтып, құрметтейтін екі ұғым болса, соның бірі-Ұстаз. «Ұстаз» деген қазақ баласы үшін қашанда қасиетті, қадірлі болған. «Ұстаздан тәрбие алған» немесе «ұстаз алдын көрген» деген сөздер құлаққа «ана тәрбиесін алған» деген сөздермен ұштасып жатады. Ұстаз әр адамның жанына білім дәнін сеуіп, әр шәкіртін аялап, өмір атты шексіз ғаламға топшысын қатайтып ұшырады.Дәлірек айтсақ,aдамды өмір сүре білуге тәрбиелейді. Сол үшін бойындағы асыл қасиеттерін шәкірттеріне сіңіріп, тер төгеді. Менің алғашқы ұстазым дәл осындай ұлы адам еді. Өмір бойы алғысымды айтып, бас иемін.

#ҰСТАЗЫММЕНІҢҰСТАЗЫМчелленджі